Alles a Fränjelen | Kabaret Sténkdéier

Name: Alles a Fränjelen | Kabaret Sténkdéier
Start: 2027-01-23T19:00:00.000Z
End: 2027-01-23T19:00:00.000Z
Location: Niederanven

Sat, Jan 23, 2027 at 8pm

About this event

🇱🇺 Alles a Fränjelen | Kabaret Sténkdéier

DATUM
Sa., 23.01.2027 I 20:00

PRÄIS
20€

REDUZÉIERTE PRÄIS
12€

KULTURPASS-PRÄIS
1,5€

DAUER
120' (inkl. Paus)

SPROOCH
Lëtzebuergesch

TICKETEN
khn.lu/de/agenda/alles-a-franjelen

👉 Alles a Fränjelen: De Programm 2026/27 vum Kabaret Sténkdéier

D’Operatioun ass gelong, de Patient ass dout!

Europa ass ugezielt an hänkt an de Seeler, den transatlanteschen Dram ass ausgedreemt. Lénks a riets gi mer iwwerholl. Op wie kanns de dech nach verloossen, wie klaut der d’Sue schonns aus der Täsch? De Klimawandel ass aus de Schlagzeilen, dofir awer net vum Dësch, a vill ze spéit hu mir geschnallt, wéi ofhängeg mir wierklech sinn. Vun engem Moment op deen anere war alles a Fränjelen an elo reiwe mir eis d’Aen a verstinn d’Welt net méi.

Egal ob Gesondheets-, Pensiouns-, Steierreform, bezuelbare Wunnraum oder unisex Toiletten; och dës Koalitioun huet, esou wéi déi virdrun, d’Problemer vun de Leit net geléist an de Mann mam Hummer ass ënnerwee. De Bettel knipst Selfië mat sengem Dackel, de Frieden palavert ouni datt eppes nokënnt an de Rescht vun der Koalitioun hänkt um Baxter.

A mat enger Oppositioun, déi hiren Numm net verdéngt huet, ass Besserung och net a Siicht. Egal ob rout, gréng oder wat och ëmmer, all hu se genuch mat sech selwer ze dinn. Esou kritt d’Zukunft vum Land, grad ewéi den ëffentlechen Transport, ëmmer méi Retard. Oder kënnt Dir d’Piraten nach eescht huelen?! E Land, dat sech esou Politiker leescht, muss sech net wonneren.

Mee grad elo zielt et! Wie fléckt d’Téitschen an eiser Realitéit? Wann alles a Fränjelen ass, de Kapitalismus grad esou wéi de Kommunismus ausgedéngt hunn, dann ass eis Zäit komm: Ironie, Satir, Sarkasmus an nei Hoffnung an Zouversiicht fir Lëtzebuerg! De Kabarettismus iwwerhëlt elo d’Rudder!

A wie kéint dat besser wéi de Kabaret Sténkdéier! Wéini, wann net elo?! „Alles a Fränjelen“, een Owend, dee wéi deet, wann et néideg ass, an dee wiermt, wann et méiglech ass.

Mam: Conny Braquet, Joëlle Muller, Irène Zeimes, René Engel, Luc Schumacher
Texter & Regie: Roland Meyer
Musek: Camille Nanquette
Regieassistenz: Bruna Gorza, Joe Heintzen
Inspizienz: Joe Heintzen
Foto: Claude „Sibi“ Sibenaler

Weider Informatiounen: stenkdeier.lu

Summary

Generated with the help of AI.

Kabaret Sténkdéier's new program 'Alles a Fränjelen' is a satirical cabaret evening performed in Luxembourgish, mixing irony, satire and political commentary on current events. The cast includes Conny Braquet, Joëlle Muller, Irène Zeimes, René Engel and Luc Schumacher, with text and direction by Roland Meyer and music by Camille Nanquette. The show starts at 8:00 PM and runs about 120 minutes including an intermission. Tickets are priced at €20, €12 reduced and €1.50 for Kulturpass holders.