Tolo & Scoia (Für Schulen) · Prabbeli Wiltz

Fri, Nov 13, 2026 at 9:30am

About this event

// 𝗠𝘂𝘀𝗲𝗸𝘀𝘁𝗵𝗲𝗮𝘁𝗲𝗿 𝗳𝗶𝗿 𝗞𝗮𝗻𝗻𝗲𝗿

🐿️🌳𝗧𝗼𝗹𝗼 & 𝗦𝗰𝗼𝗶𝗮…
… 𝘄𝗮𝗻𝗻 𝘇𝘄𝗲𝗲 𝘀𝗲𝗰𝗵 𝘀𝘁𝗿𝗲𝗶𝗱𝗲𝗻, 𝗳𝗿𝗲𝗲𝘁 𝘀𝗲𝗰𝗵 𝗱𝗲𝗻 𝗗𝗿𝗲̈𝘁𝘁𝗲𝗻

Zwee Kaweechelcher, e Sträit an e puer Iwwerraschungsgäscht – eng Geschicht, déi bewosst einfach bleift. Keng schnell Billerwiessel, keng spektakulär Effekter. Dofir vill Pabeier, Schéier a Faarwen, vun Hand gemoolte Biller, déi verréckelt a beweegt ginn. Alles entwéckelt sech live virum Publikum – roueg, gräifbar, mat vill Léift fir den Detail an enger ganz eegener Raffinesse.

„Back to the basics“ ass dobäi net nëmmen ee Motto, mee eng kloer Haltung. D’Geschicht reiht sech an „d’Semplice-Serie“ vun Toile Si-Re an. Echt Handaarbecht steet dobäi am Mëttelpunkt: gräifbaart Material an d’Beweegen, d’Tässelen, d’Schneiden, d’Peschen an d’Verwandele vu Pabeier. Eng Aluedung fir nees wouer ze huelen, wéivill een aus einfache Saachen kann eraushuelen, an dëst ouni techneschen an elektroneschen Opwand. Leinwand, Kamera a Beamer vergréisseren dobäi just, wat vun Hand entsteet.

Wéi en eegenen Erzielfloss leet sech déi zur Geschicht komponéiert Musek iwwert déi projezéiert Biller. De Saxophon lieft duerch eng besonnesch Klangsprooch, opgebaut op de Modi vum Olivier Messiaen. Friem an iergendwéi och net, virwëtzeg an iwwerraschend, taucht si de Publikum an eng spezifesch Héierwelt a weist, datt och esou ongewéinlech Musek hire Wee bei e ganz jonke Publikum fanne kann.

Dauer: 𝟯𝟬 𝗠𝗶𝗻𝘂𝘁𝘁𝗲𝗻
𝗢𝘂𝗻𝗶 𝗦𝗽𝗿𝗼𝗼𝗰𝗵
Alter: ab 𝟯 𝗝𝗼𝗲𝗿
Lieu: 𝗖𝗶𝗻𝗲́ 𝗣𝗿𝗮𝗯𝗯𝗲𝗹𝗶, 8 Gruberbeerig, L-9538 Wiltz

𝗨𝗺𝗲𝗹𝗱𝘂𝗻𝗴 𝗳𝗶𝗿 𝗦𝗰𝗵𝗼𝘂𝗹𝗲𝗻
Schéckt eis w.e.g. eng E-Mail un info@cooperations.lu
6€ pro Kand (Gratis fir d’Léierpersonal)

Produktioun: Toile Si-Re a.s.b.l

prabbeli.lu

Summary

Generated with the help of AI.

Tolo & Scoia is a handcrafted musical theatre piece for young audiences, performed by Toile Si-Re. Two squirrels argue and a story unfolds with handmade paper, scissors and paint, brought to life live on stage with a soundtrack for saxophone built on Olivier Messiaen's modes. There are no spectacular effects—just tangible materials, moving pictures and a calm, poetic storytelling approach aimed at children aged 3 and up. The performance runs 30 minutes with no dialogue, making it accessible to very young viewers. This showing is reserved for school groups, with registration by email at €6 per