Nationalen Dag vum Bam

Zanter ville Jore feiert d’Gemeng Steesel den Nationalen Dag vum Bam. Dobäi gëtt eng Plaz beplanzt, fir déi Neigebuere vum Joer virdrun an der Gemeng ze begréissen.

All d'Awunner aus der Gemeng Steesel sinn häerzlech invitéiert.

Eis lokal Scouten „Wëll Säi“ planzen d’Beem.

D’Singing Kids suerge fir de musikaleschen Encadrement.

Eng gemeinsam Aktioun fir eis Natur:

Wie wëll, kann dës Initiativ mat engem Bäitrag vu 25€ ënnerstëtzen an domat symbolesch e Bam stëften.
Als Merci gëtt Ären Numm op enger hëlzener Bänk veréiwegt, déi mir spéider opstellen.

Meld iech weg un op durable@steinsel.lu

D’Participatioun un der Manifestatioun ass gratis an net un e Bäitrag gebonnen. Et ass och eng Klengegkeet fir z’iessen an ze drénke virgesinn.