Lëschteg Liesung: Krixkrax & Bill!

Name: Lëschteg Liesung: Krixkrax & Bill!
Start: 2026-10-25T09:30:00.000Z
End: 2026-10-25T09:30:00.000Z
Location: ErwuesseBildung

Sun, Oct 25, 2026 at 10:30am

About this event

Lëschteg Liesung fir Familljen mam Autor Marc Weydert

De bekannten Auteur Marc Weydert liest aus sengem Bestseller Krixkrax (Buchpräis 2025) a sengem neie Buch BILL! vir. A Reimer geschriwwen a mat vill Humor virgedroen, hëlt hien d’ganz Famill mat op eng Rees an zwou witzeg a fantasiereich Geschichten .

➡️ Am éischte Buch geet et ëm eng märchenhaft Erzielung vun engem Kinnek, deen un enger ganz komescher Krankheet leit an nëmmen nach op d’Hëllef vun der Hex Krixkrax hoffe kann. Mee si wunnt an engem héijen Tuerm, ouni Dier an ouni Leeder, an et schéngt keen eng Iddi ze hunn, wéi een déi gutt Hex erreeche kann.

➡️ Am zweete Buch, BILL!, geet et ëm en Hond mat ganz villen Talenter … just ee schéngt him ze feelen. Mee mécht dat hien elo manner besonnesch? „Hie ka kachen, strécken, danzen … souguer miauen ewéi eng Kaz. Just eppes kann hien net: billen.“

Zwou Geschichten, déi net nëmmen ënnerhalen, mee och den A op dat Wichtegt am Liewen opmaachen. Eng wonnerbar Geleeënheet, de Marc Weydert a seng Bicher perséinlech kennenzeléieren.

- - -

De Marc Weydert ass Diplompedagog a Schoulmeeschter vu Formatioun. Duerch säi Beruff interesséiert hien sech ganz staark fir Kanner- a Jugendliteratur a fir d’Liesfërderung bei Kanner.
Besonnesch gär spillt hie mat der Sprooch a verdréint bekannte Märercher a Geschichten, fir eppes Neits draus ze maachen.

- - -

Entrée: Gratis
Zillgrupp: Familljen mat Kanner ab 3 Joer
Informatioun/Umeldung: info@ewb.lu

Summary

Generated with the help of AI.

A joyful family reading event (Lëschteg Liesung) features Luxembourg author Marc Weydert performing two humorous, rhyming children's stories: Krixkrax, the tale of a king with a comical illness seeking the help of a witch in a tower, and BILL!, about a talented dog who can do almost anything except bark. The reading is presented in an entertaining way, open to families with children aged 3 and up, and offers a chance to meet the author. The format is a relaxed storytelling hour with humor and language play.